Carlo Ancelotti është shprehur shumë i indinjuar me kartonin e kuq që gjyqtari ia dha Jude Bellinghamit në ndeshjen mes Real Madridit dhe Osasunas.
Los Blancos barazuan 1-1 me kundërshtarin në kuadër të javës së 24-të në La Liga, ndërsa mesfushori anglez u përjashtua nga loja në minutën e 39-të.
“Gjyqtari nuk e kuptonte anglishten e Bellingham. Ai tha ‘shporru’ dhe nuk e ka sharë. Përkthimi në spanjisht është i ndryshëm”, deklaroi Carlo Ancelotti pas ndeshjes me Osasunas.
“Ka një problem me gjyqtarët. Në tri ndeshjet e fundit të ligës kemi pasur probleme me gjyqtarët” shtoi Ancelotti.
Bellinghamit iu dha një karton i kuq i hershëm kur u përballë me gjyqtarin gjatë lojës.
Anglezi u përjashtua pa asnjë paralajmërim nga zyrtari i ndeshjes, duke e çuar në barazimin e Realit 1-1. /Telegrafi/