Ansu Fati është njëri nga talentet më të mëdhenj në Spanjë dhe jo vetëm.
Por sulmuesi i talentuar nuk po luan shumë këtë edicion te Barcelona dhe për këtë ka një arsyeje.
Fati ka qëndruar në fushë vetëm për 225 minuta këtë sezon, ku ka treguar vlerat e tij.
Gazeta katalunase Mundo Deportivo ka raportuar në një artikull special se trajneri Xavi Hernandez i ka shpjeguar arsyet Ansu Fatit se pse nuk po i jep më shumë hapësira.
Sulmuesi i ri ka pësuar probleme të ndryshme fizike që nga fillimi i sezonit dhe nuk ka mundur të vendoset si një lojtar kyç në skemat aktuale të Xavi Hernandez .
Edhe pse i ka dhënë mundësinë për të startuar vetëm në një ndeshje (kundër Viktoria Plzen, në Ligën e Kampionëve ), trajneri i Barcelonës ruan besimin e tij të plotë te futbollisti.
Siç raportohet nga Mundo Deportivo , trajneri katalunas dëshiron që lojtari të rikupërohet pa nxitim dhe kjo është arsyeja pse nuk po i jep më shumë minuta.
"Trajneri këmbëngul se Ansu Fati në moshën 19-vjeçare ka përpara gjithë karrierën e tij sportive, se e rëndësishme është të rikuperohet mirë, të ketë besim dhe pjesa tjetër do të vijë vetë ”, shkruan gazeta katalunase.
Ansu Fati mbetet në ankth nëse do të ftohet nga Spanja për Kampionatin Botëror, por te Barça do të ishin të lumtur edhe nëse nuk do të ftohej ylli i tyre pasi pushimi gjatë botërorit do t'i ndihmonte të rikuperohej 100 për qind. /Telegrafi/