Manchester Unitedi arriti të fitojë ndaj West Ham Unitedit me rezultat 2-1 në Old Trafford në kuadër të xhiros së 34 në Ligën Premier.
Mysafirët treguan lojë të mirë, por fati nuk ishe në anën e tyre në këtë ndeshje.
Goli i pari në takim u shënua nga Paul Pogba, francezi nuk gaboi nga pika e bardhë në minutën e 18-të. Në vazhdim nuk pat ndonjë rast të mirë për gol dhe me rezultatin 1-0 përfundoi pjesa e parë.
Pjesa e dytë filloi me golin e skuadrës mysafirë, ishte Felipe Anderson që shënoi në minutën e 49-të.
Marcus Rashford (58', 63') kishte dy raste të mira, pastaj ishte radha e Michail Antonios (77', 78'), por të dy portierët me pritet e tyre nuk lejuan që rrjeta të tundet.
Në minutën e 80-të edhe një herë në skenë doli Pogba, i cili shënoi prapë nga pika e bardhë dhe i dha fitores skuadrës së tij me rezultat 2-1.
Pas kësaj fitore Man Utd ngjitet në vendin e pestë me 64 pikë, kurse West Hami vazhdon në pozitën e 11-të me 42 pikë. Djajtë e Kuq në xhiron e ardhshme do të përballen me Evertonin, kurse West Hami me Leicesterin. /Telegrafi/
https://twitter.com/viaVide45460573/status/1117113774949924865
https://twitter.com/viaVide45460573/status/1117121327750627330
https://twitter.com/viaVide45460573/status/1117129639317528576