Manchester Unitedi dhe Chelsea po monitorojnë situatën e James Rodriguez në Bayern Munich dhe janë gati të tentojnë transferimin e tij në verë.
Ylli kolumbian në verë do të përfundojë huazimin dy vjeçar te Bayerni, por Bavarezët nuk duan të bëjnë të përhershëm transferimin e tij.
Kështu, Rodriguez do të kthehet te Real Madridi në verë, por trajneri Zinedine Zidane dëshiron të shesë atë për të rritur fondet për transferime të reja.
Sipas gazetës spanjolle Marca, klubet e mëdha angleze pritet të luftojnë mes vete për të fituar shërbimet e kolumbianit.
Klubi londinez, Chelsea është shumë e interesuar për shërbimet e reprezentuesit 27-vjeçar të Kolumbisë.
Por, me mesfushorin e disponueshëm për çmimin e prerë prej 36 milionë funteve, trajneri i Unitedit, Ole Gunnar Solskjaer, mund të bashkohet me garën për të.
James është lidhur edhe më klubet e mëdha italiane si Interi dhe Napoli, ndërsa në të kaluarën ka luajtur edhe me Porton dhe Monacon. /Telegrafi/