Ekipi i pingpongistëve kosovarë ishte i përbërë prej tre meshkujve, Linor Çitaku, Ylli Prestreshi dhe Baton Çitaku, dhe tri femrave, Vlona Maloku, Amare Janjeva e Iliriana Haliti.
Edhe pse nuk arritën të kualifikohen në fazën e dytë të garave, në përgjithësi ata na bënë krenarë me paraqitjet e tyre solide, duke marrë parasysh edhe nivelin e pingpongistëve të shteteve me të cilat u ballafaquan, transmeton Telegrafi.
Në total, pingpongistët kosovarë arritën tri fitore, një në çifte të përziera dhe dy fitore i arritën femrat në garat individuale.
Ky Kampionat Botëror këtë edicion ka thyer të gjitha rekordet e shikueshmërisë, pasi që është transmetuar në 170 shtete të botës.
Për këtë udhëtim ata kanë pasur edhe mbështetjen e Ministrisë së Sportit, ndërsa të gjithë këta sportistë meritojnë mirënjohje të veçantë për sakrificën që po bëjnë vetëm për ta promovuar sportin kosovar edhe në arenën ndërkombëtare. /Telegrafi/
