26/10/2021
Policia e Kosovës ka dhënë detaje për rastin e rrëzimit të skeleve në një objekt ndërtimi, ku u lëndua një grua dhe një fëmijë në Gjilan.
Në raportin e Policisë bëhet e ditur se rasti ka ndodhur në rrugën “Ibrahim Rugova” në Gjilan, të hënën rreth orës 11:30.
“Raportohet se viktima femër kosovare ka pësuar lëndime trupore nga rrëshqitja e shtyllave (skeleve) që ishin të vendosura kohë më parë para një lokali. Viktima ka pranuar tretman mjekësor, ndërsa në vendin e ngjarjes kanë dalë inspektorët nga komuna”, thuhet në raport.
Lidhur me rastin me vendim të prokurorit i dyshuari mashkull kosovar, pronar i firmës se montimit të skelave është arrestuar dhe pas intervistimit është dërguar ne mbajtje. /Telegrafi/