Paulo Dybala ka marrë më në fund vendimin për të ardhmen e tij, nëse do të mbetet te Roma ose jo.
Pas një sezoni shumë të suksesshëm në aspektin personal, sulmuesi argjentinas u vërshua nga ofertat.
Ai kishte një klauzolë të ulët largimi prej vetëm 12 milionë euro për skuadrat jashtë Serie A, derisa për transferimin e tij u interesua edhe Interi.
Manchester United, Chelsea, Atletico Madrid dhe Barcelona ishin katër skuadrat e tjera që kanë shfaqur interesim për lojtarin, por edhe ofertat nga Arabia Saudite nuk munguan.
Megjithatë lojtari nuk e ka ndërmend të largohet nga Roma dhe ai tanimë e ka marrë këtë vendim.
30-vjeçari ka marrë vendim për të qëndruar te Roma, pasi ka një marrëdhënie të shkëlqyer me trajnerin Daniele De Rossi dhe tifozët verdhekuq.
Autori i 16 golave dhe 10 asistimeve sezonin e kaluar ka kërkuar nga klubi të ndërtojnë një skuadër të fortë për ta rikthyer Romën në Ligën e Kampionëve. /Telegrafi/