Ish-i dashuri i Gigi Hadid, Tyler Cameron, ka reaguar mbi pretendimet se ai është babai i fëmijës së supermodeles.
Ylli i “Bachelorette” dhe ish- i dashuri i modeles amerikane - ndëshkoi disa nga ndjekësit e tij në Instagram të mërkurën, 29 prill, kur ai vuri re të paktën një koment duke sugjeruar se ai është babai i foshnjës së Gigi Hadid.
“Urime që po bëheni baba. Gigi është shtatzënë”, ka shkruar një ndjekës, sipas E!News.
“Ju e keni të gjithë gabim. Ju jeni të tmerrshëm”, u përgjigj Tyler.
TMZ dhe ET raportuan këtë javë se Gigi dhe i dashuri i saj, Zayn Malik janë duke pritur fëmijën e tyre të parë së bashku, teksa TMZ pretendon se ata kanë një vajzë.
Ndërkaq, çifti nuk e ka komentuar publikisht këtë çështje akoma.
Tyler dhe Gigi ndezën thashethemet romantike verën e kaluar kur të dy u panë pranë njëri-tjetrit për disa netë radhazi.
Në anën tjetër, Hadid është rikthyer me yllin e “One Direction” në fund të vitit të kaluar pas një kohe të gjatë. /Telegrafi/