Trajneri i Bayern Munichut, Hansi Flick ka pranuar admirimin e tij për anësorin sulmues të Borussia Dortmundit, Jadon Sancho.
Sancho ka shkëlqyer në sezonin e kaluar dhe në këtë sezon me klubin gjerman duke bërë shumë ekipe të mëdha evropiane për vete.
Anglezi është lidhur me një transferim te Manchester United, Liverpooli dhe Chelsea, por edhe Bayerni është gati të rivalizojë këtë verë.
Është vet trajneri i Bavarezëve, Flick, i cili ka admirim të madh për yllin anglez.
“Nuk më pëlqen të flas për lojtarët që janë nën kontratë me klube të tjera. Mund të them që Jadon Sancho ka cilësi të mëdha, por në fund të fundit ai gjithashtu e bën Borussia Dortmundin shumë, shumë të mirë”.
“Ai është një talent fantastik dhe ka cilësi të jashtëzakonshme”.
“Kjo është arsyeja pse ju thjesht duhet të pranoni se Dortmundi ka një lojtar shumë të mirë në ekip”, ka thënë Flick. /Telegrafi/