11/08/2019
Tifozët e Paris Saint-Germainit e kanë sharë dhe ofenduar Neymarin gjatë ndeshjes së kampionit francez kundër Nimes.
Klubi kryeqytetas e filloi në mënyrën më të mirë sezonin e ri duke fituar me rezultat 3-0 dhe kështu e nisi rrugëtimin për mbrojtjen e titullit.
Porse, tifozët kanë shpalosur banerë me mesazhe kundrejt lojtarit që dikur e kanë admiruar. Ata i kanë kërkuar të largohet nga klubi i tyre.
Sulmuesi brazilian nuk u përfshi në skuadrën e Thomas Tuchel, duke qenë se dëshiron të kthehet sërish në Spanjë, nga ku edhe erdhi në vitin 2017.
Mirëpo, krahas ish-klubit të tij, Barcelona, thuhet se Real Madridi është klubi favorit për t'i siguruar shërbimet e 27-vjeçarit. /Telegrafi/
