Tifozët e Interit e presin Lukakun me vërshëllima, Lautaro mezi ia jep dorën belgut

Ka nisur derbi mes Interit dhe Romës, i vlefshëm për javën e dhjetë në Serie A.

Ashtu siç edhe pritej, tifozët e Nerazzurëve i kanë bërë të ditur ndjenjat e tyre ndaj Romelu Lukakut.

Sulmuesi belg u vërshëllye nga tifozët vendas për shkak të sjelljes së tij gjatë afatit kalimtar të verës, duke filluar bisedimet me Juventusin dhe Milanin, ndërsa përfundoi si i huazuar nga Chelsea te Roma.

Një tjetër skenë që mori vëmendje ishte edhe ajo në mes të belgut dhe Lautaro Martinez.

Dyshja kishin një partneritet të artë në sulmin e Interit, ndërsa sonte argjentinasi mezi e përshëndeti sulmuesin e Romës. /Telegrafi/