Tahiri demanton Daçiqin: Forcat e armatosura mund të lëvizin në veri pa lejen e askujt

Forcat e armatosura dhe forcat e sigurisë mund të lëvizin në veri pa lejen e askujt.

Kështu ka deklaruar për lajmi.net, ministrja për Dialog, Edita Tahiri e cila ka qenë pjesëmarrëse gjatë nënshkrimit të marrëveshjes për normalizim të marrëdhënieve me Serbinë në prill të vitit 2013.

“Nuk është e vërtet se është nënshkruar apo është folur ndonjëherë për një marrëveshje të tillë”, ka thënë ajo, duke i demantuar deklaratat e ministrit të Jashtëm serb, Ivica Daçiq.

Daçiq tha dje se ka një marrëveshje me palën kosovare që pa lejen e palës serbe këto forca nuk kanë të drejtë të operojnë në veri të Mitrovicës.