Spitali i Pejës njofton për rregulla të reja hyrjeje nga 16 qershori

Spitali i Përgjithshëm në Pejë ka njoftuar se nga data 16 qershor 2025 hyjnë në fuqi rregulla të reja për hyrjen në objekt, me qëllim të parandalimit të infeksioneve spitalore dhe krijimin e kushteve më të mira për pacientët dhe stafin mjekësor.

Sipas njoftimit, hyrja nga dera e emergjencës do të jetë e lejuar vetëm për pacientët urgjent dhe një përcjellës, nëse është e nevojshme. Vizitorët do të lejohen vetëm gjatë orarit të caktuar të vizitave dhe përmes hyrjes së bllokut kirurgjik apo internistik.

Orari i vizitave për vizitorë është:

13:00 – 14:00

21:00 – 21:30

Jashtë këtij orari, hyrja për vizitorët do të ndalohet, përveç rasteve kur është e nevojshme prania e një përcjellësi për pacientë të hospitalizuar. Spitali falënderon qytetarët për mirëkuptimin dhe bashkëpunimin në funksion të një ambienti më të sigurt shëndetësore./Telegrafi/