Shpërthen një granatë dore në Prishtinë – dëmtohet një veturë

Policia e Kosovës ka njoftuar se mbrëmë rreth orës 23:45 ka ndodhur një shpërthim në rrugën “Fahri Fazliu” në Prishtinë.

Njësitet policore pas pranimit të informatës për shpërthim, kanë dalë në vendin e ngjarjes, dhe kanë takuar dy ankuese kosovare, të cilat kanë deklaruar se si pasojë e shpërthimit në afërsi të shtëpive të tyre u janë shkaktuar dëme materiale në pronat e tyre dhe në një veturë.

Në vendin e ngjarjes kanë dalë edhe njësitet e PK-së për deminim, ku dyshohet se mjeti shpërthyes ka qenë garantë dore, i cili ka shpërthyer në rrethana (ende) të panjohura.

Lidhur me rastin është informuar edhe prokurori, ndërsa njësitet policore janë duke hetuar rastin. /Telegrafi/