25/02/2022
Parlamenti i Shqipërisë ka mbështetur kandidaturën e Gent Sejkos si Guvernator i Bankës Qendrore për një mandat të dytë.
Me 103 vota pro, 1 kundër dhe 1 abstenim, deputetet vendosën rizgjedhjen e Sejkos në krye të Bankës së Shqipërisë edhe për një mandat 7-vjeçar.
Sejko drejton Bankën e Shqipërisë që prej 5 shkurtit të vitit 2015.
Para se të zgjidhej guvernator, Sejko ka pasur një eksperiencë më shumë se 20 vjeçare në sektorin bankar, përfshi pozicione drejtuese në ish-Bankën Amerikane të Shqipërisë, Bankën Raiffeisen dhe Bankën Societe Generale Albania. /Telegrafi/