04/07/2019
Një shtëpi në Pejë është goditur nga rrufeja pasditen e sotme rreth orës 17:00.
Përveç dëmeve materiale nuk raportohet për persona të lënduar.
Lexuesit e Telegrafit kanë dërguar disa pamje nga vendi i ngjarjes, teksa kanë shtuar se në shtëpi nuk ishte asnjë person brenda në momentin kur rrufeja ka goditur shtëpinë.
Zjarrfikësit dhe policia kanë dalë menjëherë në vendin e ngjarjes.
Gjatë ditës së sotme, rrufeja ka goditur për vdekje një femër në Deçan. Zëdhënësi i Policisë së Kosovës për Rajonin e Pejës, Xhevat Ibra, ka konfirmuar për Telegrafin se viktima është një femër 32-vjeçare. /Telegrafi/
