Real Madrid ka arritur një fitore tejet të rëndësishme në udhëtim tek Real Sociedad duke e mposhtur 0-1.
Skuadra e Zinedin Zidane në këtë përballje u fut me një formacion të përgjysmuar, pasi kishte mungesa të rëndësishme.
Dy yjet e sulmit, Cristiano Ronaldo dhe Karim Benzema munguan në këtë përballje për shkak të lëndimeve.
Pjesa e parë përfundoi ashtu siç filloi me rezultat të barabartë 0-0.
Ndeshja u përshkrua si e ashpër, pasi gjyqtari kryesor Andrea Mallenco ndau tetë karton të verdhë.
Golin e fitores për madrilenët e shënoi sulmuesi uellsian, Gareth Bale në minutën e 80-të.
Pas këtyre tri pikëve të fituara, Reali është lider i ri në La Liga me 84 pikë të grumbulluara, ndërsa ka një ndeshje më shumë se rivalët për titull Barcelona dhe Atletico Madrid. /Telegrafi/