Prokuroria e Gjilanit ndalon një person, ngrit tri aktakuza për vepra të ndryshme penale

Prokuroria Themelore në Gjilan njofton se, me urdhër të prokurorit, është ndaluar një person dhe janë ngritur tri aktakuza kundër tre personave për vepra të ndryshme penale.

Personi i cili është ndaluar për 48 orë, dyshohet se ka kryer veprën penale “Falsifikim i dokumenteve”.

Në njoftimin e Prokurorisë bëhet e ditur se njëra nga aktakuzat ka të bëjë me veprën penale “Vjedhje e shërbimeve”, një tjetër për “Dhunë në familje”.

Ndërsa e treta është ngritur për veprën penale “Posedimi i paautorizuar i narkotikëve, substancave psikotrope ose analoge”./Telegrafi/