Prej gjashtë vitesh jeton në furgon me ish-bashkëshortin, partnerin aktual dhe tre fëmijët – 34-vjeçarja nga Gjermania tregon arsyen

Nadine, 34-vjeçe nga Gjermani, thotë se ka jetuar për gjashtë vite në një furgon me ish-bashkëshortin Sacha, partnerin aktual Alex dhe tre fëmijët.

Ata këtë e kanë dokumentuar me videot e publikuar në TikTok me @wild.family.life, faqe kjo që ka mbi 21 mijë ndjekës, transmeton Telegrafi.

Shumë prej përdoruesve të këtij rrjeti social, kanë pyetur se si e aranzhonin jetën dhe si ka ndikuar kjo në jetën e fëmijëve.

Nadine megjithatë nuk i ka pranuar mirë kritikat, pasi ka sulmuar ashpër ata që nuk pajtoheshin me këtë mënyrë të jetës.

Ajo këmbëngulë se një lidhje e shëndoshë me ish-bashkëshortin është e mirë për fëmijët e tyre.

Sacha është babai i dy fëmijëve të saj të rritur derisa Alex i më të voglit. Që të dy kujdesen për tre fëmijët dhe ndajnë kujdestarinë.

“Të gjithë jemi miq të mirë dhe doli të jetë një ide e mirë për fëmijët tonë. Kjo është bërë për t’i treguar fëmijëve se vetëm të bashkuar mund të bëjmë punë të mira”, tha 34-vjeçarja. /Telegrafi/