10/04/2018
Një femër është plagosur nga një plumb qorr në rrugën "Bajram Bahtiri" në Prishtinë.
Në vendin e ngjarjes kanë dalë edhe njësitet e Policisë së Kosovës, të cilët kanë izoluar pjesën ku ka ndodhur plagosja.
Lajmin për Telegrafin e ka konfirmuar edhe Bajram Krasniqi nga Policia e Kosovës, i cili ka thënë se e lënduara është dërguar në QKUK.
"Sot në ora 13:48 në Rr ,,Bajram Bahtiri" është raportuar për një rast plagosje nga një plumb bredhës "qorr" , ku një e lënduara është goditur në pjesën e poshtme të këmbës dhe është dërguar në QKUK, policia po e heton rastin", ka thënë Krasniqi. /Telegrafi/
