Në Ditën e Evropës, Ursula von der Leyen shkon në Kiev për bisedime me presidentin Zelensky

Ndërsa Rusia organizon paradën e saj vjetore të Ditës së Fitores, presidentja e Komisionit Evropian Ursula von der Leyen shënoi Ditën e Evropës duke vizituar të martën kryeqytetin ukrainas Kiev për bisedime me presidentin Volodymyr Zelensky.

Siç edhe dihet, blloku 27-vendesh tradicionalisht shënon “për paqe dhe unitet” më 9 maj.

Dhe të hënën, Zelensky njoftoi se vendi i tij do ta festonte në mënyrë të barabartë këtë ditë "së bashku me të gjithë Evropën e lirë".

Von der Leyen e ka vizituar tashmë Kievin në disa raste që nga fillimi i agresionit në Ukrainë nga Rusia 14 muaj më parë.

Ajo ka qenë një shtytëse kryesore në ofrimin e mbështetjes për kombin e goditur dhe në vendosjen e sanksioneve që synojnë Kremlinin.

Ndërkohë Zelensky ishte në Holandë vetëm javën e kaluar, ku ai kërkoi shpejtësinë që BE-ja të mirëpresë Ukrainën si anëtare.

Ukraina është zyrtarisht një kandidate për anëtarësim, por negociatat zyrtare ende nuk kanë filluar - një proces që mund të zgjasë shumë vite. /Telegrafi/