Milani dhe Torino kanë luajtur pa gola në ndeshjen e javës së 15-të në kampionatin italian.
Iago Falque dhe Andrea Belotti i patën rastet më të mira për mysafirët në pjesën e parë, por nuk arritën t'i konkretizojnë.
Në fund të gjysmës së parë, me ndihmën e VAR-it, gjyqtari Daniele Orsato vendosi të mos jepte penallti në favor të Rossonerëve, për dyshimin e prekjes së topit me dorë në zonën e Torinos.
As në fraksionin e dytë të lojës, skuadrat nuk ia dolën të shënonin, ashtu që u desh të pajtohen me nga një pikë.
Ky barazim e lë Milanin në vend të katërt në tabelë, me një pik ëmë shumë se Lazio që ndodhet një pozitë më poshtë. Vendi i tretë që mbahet nga Interi është tri pikë larg.
Torino është në vend të gjashtë në tabelë dhe numëron 22 pikë nga pesë fitore, shtatë barazime dhe tri humbje.
Në javën e ardhshme, Milani do të luajë si mysafir i Bolognas dhe do të përpiqet t'i kthehet fitores.
Nga ana tjetër, Torino në xhiron e 16-të luan derbin lokal kundër Juventusit. /Telegrafi/