Maqedoni, nesër hyn në fuqi ligji për pajisjet dimërore në makina
14/11/2023
Ministria për Punë të Brendshme njofton të gjithë pjesëmarrësit në trafik që të kenë kujdes të shtuar për fillimin e sezonit dimëror ku ndryshimet atmosferike janë të pranishme.
MPB njofton se nesër hyn në fuqi ligji për posedim të gomave të dimrit dhe pajisjeve dimërore në makina.
Drejtuesve të makinave u rekomandohet që t’u përshtaten kushteve dimërore në rrugë dhe të kenë kujdes gjatë vozitjes.
Obligimi ligjor për posedimin e pajisjeve dimërore që hyn në fuqi nesër (15 nëntor) do të zgjasë deri më 15 mars.