Macja e adoptuar ndryshoi sjelljet kur fitoi besimin e pronares
29/12/2023
Një përdoruese e aplikacionit TikTok, ka ndarë me ndjekësit e saj historinë e adoptimit të maces, të cilën e emëroi Atlas.
Ndryshe nga macet tjera, Atlas nuk preferonte t'i afrohej ose të përkëdhelej.
Por, sapo pronarja e fitoi besimin e maces, ajo ndryshoi krejtësisht. Pas më shumë se dy muajsh, Atlas u ul në prehrin e pronares, moment ky i cilësuar si shumë emocionues.
"Unë nuk isha optimist për dashurinë e Atlas. Megjithatë, shpresoja se ajo kishte nevojë vetëm për kohë", tha ajo.
Videoja që shfaq pamjet e Atlas teksa ulet në prehrin e pronares së saj, mblodhi rreth 5,7 milionë shikime, dhe nxiti reagime të shumta. /Telegrafi/