Reperi i njohur shqiptar, Ledri Vula, dhe partnerja e tij, Sara Hoxha, janë duke shijuar së fundmi disa ditë të mira pushimi.
Ata kanë zgjedhur Dubain si destinacion, për të kaluar së bashku disa ditë jo-produktive, larg aktiviteteve të përditshme.
Ndërkohë, çifti kanë ndarë me ndjekësit e tyre në rrjetet sociale, fotografi dhe video të ndryshme nga momentet e këndshme që po shijojnë së bashku atje.
Ka qenë Ledri, ai i cili ka publikuar një imazh në rrjetin social Instagram, ku shfaqet bashkë me Sarën në plazh, teksa e ka ngacmuar paksa në mbishkrimin e fotografisë.
“Pas çdo mashkulli të suksesshëm është një grua, e cila ja “tesh” që s’po ka kohë”, ka shkruar ai.
E me të parë këtë, partnerja e reperit nuk mund të qëndronte indiferente, duke bërë kështu edhe ajo një reagim në InstaStory.
“Ju i jepni një burri, një foshnje dhe ai ju jep muskuj të formësuar barku që të mund të fshiheni pas tyre, i thonë kësaj”, ka shkruar ajo.
Me këtë, blogerja e njohur ironizoi me faktin se nuk mund të shfaqte trupin e saj në fotografinë e çiftit në plazh, pasi ajo ende nuk ka arritur të tonifikohet sa duhet pas lindjes. /Telegrafi/