Vazhdimi i seancës së Kuvendit të Komunës së Prizrenit të datës 29 maj 2025 është caktuar për të martën, me 03 qershor 2025, nga ora 14:00, kanë bërë të ditur zyrtarët komunalë.
Në njoftimin e nënshkruar nga kryesuesja Antigona Bytyqi bëhet e ditur se të martën do të shqyrtohet Projekt-rregullorja për varrimin dhe mirëmbajtjen e varrezave të reja të Prizrenit në Landovicë.
“Të nderuar anëtarë/e të Kuvendit të Komunës së Prizrenit, njoftoheni se më datë 03 qershor 2025 (e martë), me fillim në ora 14:00, vazhdohet mbledhja e datës 29 maj 2025, në sallën e mbledhjeve të Kuvendit të Komunës së Prizrenit, në "Shtëpinë e Bardhë", me pikën e të rendit të ditës 'Shqyrtimi dhe miratimi i Projekt-Rregullores për varrimin dhe mirëmbajtjen e varrezave të reja të Prizrenit në Landovicë”, thuhet në këtë njoftim, raporton Telegrafi.
Anëtarët e Kuvendit të Komunës së Prizrenit të enjten e shkruar patën shqyrtuar Projekt-Rregulloren për Varrimin dhe Mirëmbajtjen e Varrezave të reja të Prizrenit në Landovicë, ndërkohë që procedura e votimit ishte shtyrë për këtë javë me qëllim të plotësimit të këtij akti.
Projekt-Rregullorja në fjalë përcakton kushtet, parimet dhe standardet për organizimin, rregullimin, mirëmbajtjen dhe shfrytëzimin e varrezave të reja në Landovicë të Prizrenit. /Telegrafi/