Kryebashkiaku i Zagrebit, Milan Bandic, të premten e ka festuar ditëlindjen e 64. Në festën e tij, krahas një numri të madh të zyrtarëve, ka qenë e pranishme edhe presidentja e Kroacisë, Kolinda Grabar - Kitarovic.
Siç transmeton Index.hr, Kolinda ka tërhequr vëmendjen e të pranishmëve duke e përcjellë festën në mënyrën më të mirë që ajo di të bëjë - përmes këndimit.
Presidentja kroate para Bandicit dhe të pranishmëve të tjerë nga jeta publike në Kroaci, e ka kënduar himnin e njohur tashmë për ditëlindje, "Shumë urime për ty".
Një xhirim nga këndimi i saj është shpërndarë në internet, ashtu që shumëkush ka pasur mundësinë ta shohë presidenten sërish duke kënduar.
Presidentja e Kroacisë ka marrë vëmendjen e opinionit në disa raste me këndimin e saj, ndërsa ka deklaruar se nuk heq dorë nga këndimi përkundër kritikave që merr në lidhje me vokalin e saj. /Telegrafi/