Liverpooli ka marrë një fitore të lehtë para adhuruesve të vet 5-0 ndaj Huddersfield.
Në këtë takim mesfushori Naby Keita realizoi gol pas vetëm 15 sekondave, që ishte goli më i shpejtë në histori të Liverpoolit.
E pas ndeshjes për lojtarin ka folur edhe trajneri Jurgen Klopp që e ka lavdëruar paraqitjen e tij.
Gjermani ka thënë se Keita është një mesfushor i kompletuar dhe ndaj Huddersfield ishte ndeshja e tij më e mirë.
“Naby është një mesfushor i komepltuar. Ndaj Huddersfield ishte ndeshja e tij më e mirë në secilën situatë në mbrojtje”.
“Ai është i shpejtë në hapësira të ngushta dhe nuk e di sa topa i ka bllokuar pasi ishin shumë”.
Klopp ka thënë se Keita është blerë për sezonin e ardhshëm dhe ai është adaptuar mirë.
“Keita po vjen në formë gjithnjë e më shumë. E kemi blerë për sezonin tjetër dhe deri më tani i është dashur kohë për tu adaptuar. Jam shumë i lumtur për të”, ka deklaruar Klopp. /Telegrafi/