03/05/2019
Sot pasdite është raportuar se kryetari i Kuvendit Kadri Veseli ka udhëtuar për në Hagë, ku do të merret në pyetje si i dyshuar.
Ndonëse anëtarët e kabinetit nuk janë përgjigjur menjëherë kur gazetarët kanë kërkuar konfirmim, një orë më vonë ata e kanë demantuar këtë lajm.
Këshilltari i kryeparlamentarit Kadri Veseli, Blerim Latifi, përmes një shkrimi në Facebook ka demantuar lajmin.
"Udhëtimi i Kadri Veselit ne Hagë : Një rrenë speciale, për gjykatën speciale, për llogari të luftës speciale! MARRE", ka shkruar Latifi.
Lajmin për Veselin e ka hedhur poshtë edhe Blerand Stavilevci, i cili e ka quajtur lajm jo të saktë, të rremë./Telegrafi/