Javën e kaluar, këngëtarja Dhurata Dora dhe rap-artisti Sooliking, publikuan bashkëpunimin "Zemër".
Kënga e punuar nga producenti Big Bang arriti menjëherë përmasat e hitit, duke u bërë e shumë pëlqyer për veshin e miliona fansave.
Në vetëm një javë pasi është lansuar, "Zemër" numëron mbi 27 milionë klikime vetëm në YouTube.
E kur jemi tek ky kanal, bashkëpunimi i Dhuratës me Soolking ditë më parë është renditur si kënga më në trend, në Gjermani.
Ndërsa së fundmi, e njëjta ka zënë vendin e parë në top trendet në YouTube, në shtetin belg dhe atë algjerian.
Duket se ky projekt i punuar nga RedBox ka fituar pëlqyeshmëri të madhe në shumë prej shteteve të Evropës, dhe duke qenë e gërshetuar në dy gjuhë ka ngacmuar audiencë kryesisht nga dy popuj të ndryshëm. /Telegrafi/
