Labi, ka reaguar pas akuzave të rënda që i janë bërë nga Labinoti, duke sqaruar situatën dhe duke shprehur pendesë për disa deklarata të tij.
Debati u ndez kur Labinoti e akuzoi Labin se ka bërë fëmijë me një grua serbe, një pretendim që e preku thellë banorin dhe shkaktoi reagime të forta brenda shtëpisë.
I emocionuar, Labi foli hapur për ndjenjat e tij, duke theksuar se këto akuza e kanë lënduar personalisht dhe se nuk i qëndronin të vërtetës.
Ai u shpreh se ndihej i keqkuptuar dhe se situata kishte dalë jashtë kontrollit për shkak të fjalëve të thëna në momente tensioni.
Në këtë kontekst, Klodi ndërhyri duke vënë në dukje se veprimi i Labinotit i ngjante sjelljes që vetë Labi kishte pasur më herët ndaj Elijonës, kur brenda lojës kishte sjellë informacione nga jashtë që lidhnin familjen e saj. Ky krahasim solli një reflektim të thellë nga ana e Labit.
Duke pranuar gabimet e tij, Labi tha: “Jam penduar për disa gjëra që i kam thënë, s’jam ashtu”, duke lënë të kuptohet se nuk dëshiron të identifikohet me sjellje që prekin familjen apo jetën personale të të tjerëve.
Deklarata e tij u pa si një moment vetëkritike dhe reflektimi, ndërsa situata mbetet ende e tensionuar në shtëpi, me publikun që ndjek nga afër zhvillimet dhe përplasjet mes banorëve. /Telegrafi/