Në qershor të këtij viti, artistja shqiptare e famshme ndërkombëtarisht, Dua Lipa, dhe kuzhinieri Isaac Carew, i dhanë fund lidhjes së tyre pas katër vitesh.
Është thënë se arsyeja e ndarjes mes tyre ishte largësia mes njëri-tjetrit, teksa në një postim të bërë në Twitter, Isaac, ka lënë së fundmi të kuptohet se janë dy, faktorët kryesorë që i ndanë.
"Supozoj që fama dhe paratë janë faktor të mëdhenj", ka shkruar Carew në Twitter.
https://twitter.com/IsaacCarew/status/1149876438297993216
Kaq ka mjaftuar që ndjekësit e tij të replikojnë me komente të shumta, duke pyetur nëse këto janë vërtet arsyet që dyshja i dhanë fund lidhjes.
Në anën tjetër, Dua Lipa, ka nisur tashmë një lidhje të re me vëllanë e motrave Gigi dhe Bella Hadid, Anwar Hadid.
Artistja shqiptare pritet që muajin e ardhshëm të rikthehet në Kosovë, për të ndjekur nga afër festivalin "Sunny Hill", që e organizon babai i saj, Dukagjin Lipa. /Telegrafi/