Ish-fituesja e Eurovisionit, Loreen, kënga e së cilës “Euphoria” fitoi konkursin e këngës në vitin 2012, do të përfaqësojë sërish Suedinë këtë vit në eventin që do të mbahet në Liverpool.
Për të përfaqësuar vendin e saj, fillimisht asaj iu desh të fitonte Melodifestivalen (i njohur edhe si Melfest), një nga shfaqjet më të mëdha televizive të Suedisë, të cilën ajo e bëri mbrëmjen e së shtunës.
Ajo tha për podkastin e BBC Eurovisioncast se i duhej bindje për të marrë pjesë sërish, pasi fillimisht nuk pranoi.
“Ata bënë pyetjen, përgjigja ishte ‘nuk do të ndodhë’”, tha ajo.
"Më u deshën katër javë [për të vendosur]. Ishte më shumë si, 'çfarë mund të them në këtë? A kam diçka për të dhënë përsëri?’”, tha këngëtarja suedeze.
"Unë mendoj se jam pak më e qetë tani, kështu që do të argëtohem më shumë me të", theksoi ajo.
Suedia dhe Portugalia zgjodhën aktet e tyre të shtunën, duke kompletuar formacionin e këtij viti të 37 shteteve pjesëmarrësve.
Shqipëria përndryshe këtë vit përfaqësohet në 'Eurovision 2023' nga Albina dhe Familja Kelmendi me këngën e tyre "Duje". /Telegrafi/