08/07/2022
Kompania Rajonale e Mbeturinave “Pastrimi” ka emëruar Fazlie Malokun si ushtruese e detyrës së kryeshefes së kësaj kompanie.
Në krye të kësaj kompanie Maloku është emëruar përkohësisht, pasi Bordi i Drejtorëve të kompanisë ka shkarkuar kryeshefin ekzekutiv, Burim Kelmendin.
Bordi i Drejtorëve i Kompanisë “Pastrimi”, në një mbledhje të jashtëzakonshme, sot ka shkarkuar kryeshefin ekzekutiv, Burim Kelmendin.
Bordi ka konstatuar se Kelmendi nuk ka realizuar objektivat për rritjen e kapitalit të kompanisë, si objektiv bazë i përcaktuar me Plan Biznesin e aprovuar, dhe krejt kjo për shkak të keqmenaxhimit. /Telegrafi/
