27/01/2021
Një rast i rëndë ka ndodhur në një familje në Prishtinë, dyshohet se babai ka vrarë djalin e tij në rrugën “Ndue Perlleshi”.
Lajmin për Telegrafin e ka konfirmuar zëdhënësja e Policisë, Flora Ahmeti, e cila ka thënë se lidhur me rastin një person i dyshuar është arrestuar.
Po ashtu është konfiskuar një armë që dyshohet të jetë arma e përdorur në rast.
Mësohet se vrari është biznesmeni i njohur nga Prishtina, Albert Krasniqi.
Deri me tani ende nuk dihen motivet e vrasjes.
Policia ka thënë se momentalisht janë në fazën fillestare të hetimit, dhe atyre të ekzaminimit të vendngjarjes në funksion të ndriçimit të plotë të këtij rasti./Telegrafi/