Chelsea ka fituar si mysafir i Hull Cityt (2-1) në ndeshjen e vlefshme për raundin e katërt të Kupës FA dhe në këtë mënyrë e ka siguruar kualifikimin në raundin e pestë, gjegjësisht në të tetën e finales.
Rezultati u zhbllokua që në minutën e gjashtë të takimit me golin e Michy Batshuayi, i cili shfrytëzoi një top të kthyer dhe realizoi.
Ky ishte goli i vetëm i pjesës së parë të kësaj sfide dhe skuadrat shkuan në pushim me epërsinë minimale të skuadrës mysafire.
Blutë e dyfishuan avantazhin në pjesën e dytë kur pas një harkimi të Ross Barkley nga gjuajtja e lirë, Fikayo Tomori shënoi me kokë (64’).
Kamil Grosicki (78’) i ktheu vendasit në lojë me një gol të shënuar nga gjuajtja e lirë, mirëpo në minutat e mbetura ata nuk arritën t’i ndryshojnë gjërat, ashtu që Chelsea vazhdoi në të tetën e finales së FA Cup. /Telegrafi/
https://www.dailymotion.com/video/x7r2pms
https://www.dailymotion.com/video/x7r2srw
https://www.dailymotion.com/video/x7r2t7k