Arrestohen tre persona në Dragash për vjedhje të rëndë - sekuestrohen automjeti dhe mjetet e vjedhjes

Tre persona janë arrestuar në Dragash nën dyshimin për përfshirje në një rast të vjedhjes së rëndë.

Sipas raportit shtesë të Policisë së Kosovës, rasti është regjistruar më 4 gusht, rreth orës 21:00, ndërsa të dyshuarit janë dy meshkuj kosovarë.

Gjatë veprimeve policore, nga të dyshuarit janë sekuestruar mjete pune që dyshohet se janë përdorur për kryerjen e vjedhjes, si dhe një veturë.

Me vendim të prokurorit të shtetit, të dyshuarit janë dërguar në mbajtje.

Rasti mbetet nën hetim nga organet kompetente. /Telegrafi/