Argjentina është skuadra e dytë gjysmëfinaliste në Copa America.
Skuadra e udhëhequr nga Lionel Scaloni në çerekfinale e ka mposhtur Venezuelën me rezultat të pastër 2-0.
Vetëm pas 10 minutash lojë argjentinasit kaluan në epërsi 1-0.
Lionel Messi harkoi bukur në zonë, ndërsa Sergio Aguero asistoi tek sulmuesi i Interit, Lautaro Martinez që shënoi me thembër për 1-0.
Me epërsinë minimale të Argjentinës përfunduan 45 minutat e para të kësaj ndeshje.
Edhe në pjesën e dytë argjentinasit ishin më të mirë ku arritën të realizonin edhe një gol.
Sergio Aguero goditi fuqishëm nga distanca, ndërsa topin e kthyer nga portieri në portë e dërgoi Giovani Lo Celso për 2-0.
Kësisoj argjentinasit kanë siguruar gjysmëfinalen në Copa America.
Në gjysmëfinale Argjentina do të përballet me rivalin më të madh të tyre Brazilin. /Telegrafi/