Pas barazimit ndaj Torinos në Serie A dhe para ndeshjes ndaj Monacos në Ligën e Kampionëve, ka folur trajneri i Juventusuit, Massimiliano Allegri.
Tekniku italian ka thënë se e rëndësishme ishte që Zonja e Vjetër mos të humbiste ndaj Toros, ndërsa ndaj francezëve në Champions duhet lojë agresive.
“Ishte e rëndësishme që mos të humbasin të shtunën. Kemi fituar 33 herë në shtëpi dhe herët a vonë do të ndaleshim”.
“Ka ndeshje që duhet fituar, por kur nuk arrin, e rëndësishme është të mos humbasësh”, ka thënë Allegri për ndeshjen ndaj Torinios.
“Juventusi duhet të luajë lojë agresive, teknikisht mirë dhe shumë më mirë se në Monaco, ku shpesh herë kemi gabuar. Duhet të kemi durim, po kalojmë në një moment të mirë”, shtoi për fund italiani për takimin në LK. /Telegrafi/