Aeroporti ushtarak rus u sulmua nga të paktën 70 dronë, dëmtohen aeroplanët e Putinit

Kyrylo Budanov, kreu i shërbimit të inteligjencës mbrojtëse të Ukrainës, tha se forcat ukrainase përdorën të paktën 70 dronë për të sulmuar bazën ajrore ruse Morozovsk (rajoni i Rostovit) natën e 13-14 qershorit.

Budanov tha se operacioni u nis nga territori i Ukrainës dhe se të paktën 70, dhe ndoshta më shumë, drone ukrainas Dragon dhe Splash goditën aeroportin Morozovsk.

Ai shtoi se është duke u bërë një vlerësim i dëmeve dhe se “pret informacione” nëse ndonjë aeroplan është shkatërruar apo dëmtuar.

Në të njëjtën kohë, imazhet nga Planet Labs tregojnë dëmtimin e çatisë së hangarit të vendosur në platformën e mirëmbajtjes ndërsa brenda shihen dy aeroplanë luftarakë-bombardues Su-34.

🇷🇺🇺🇦🚨 Satellite images of the Morozovsk airfield in Russia, which was targeted by Ukrainian drones.

Damage is displayed, but it is unknown whether the fighter jets were present at the time of the strike. https://t.co/JU4VoqqeC6 pic.twitter.com/zlzv3T2MVI

— TabZ (@TabZLIVE) June 14, 2024

Më herët, analisti i OSINT, Brady Africk publikoi imazhe satelitore të aeroportit Morozovsk para dhe pas sulmit natën e 13-14 qershorit.

Ky ishte sulmi i dytë i madh nga dronët ukrainas në Morozovsk në dy muajt e fundit.

Budanov deklaroi gjithashtu se baza ajrore do të sulmohej sërish.

Më saktësisht, ai iu përgjigj “po” pyetjes nëse forcat ukrainase po planifikojnë një tjetër sulm ajror në aeroport.

Ministria ruse e Mbrojtjes pretendoi se në natën e 13-14 qershorit, forcat e mbrojtjes ajrore dyshohet se kapën dhe shkatërruan 87 dronë ukrainas mbi territorin e Rusisë dhe Krimenë e pushtuar.

Kanalet ruse Telegram shkruan se banorët e qytetit Morozovsk raportuan shpërthime gjatë natës dhe një zjarr në qytet. Kanali Astra Telegram përsëriti se ekziston një aeroport ushtarak në Morozovsk që tashmë ishte sulmuar më 5 prill të vitit 2024. /Telegrafi/

⚡ It is worth dealing with the pictures of Morozovsk. The Russians claim that there was no aircraft at the airfield, and ours began to claim that the hangars with the planes were destroyed. Let’s try to figure it out

After analyzing the pictures from June 13 [the day before the… pic.twitter.com/BsGX1rvmqT

— * 🇸🇪👊🇺🇦 + russrasist (@V141NG) June 14, 2024