Abazi: Marrëveshja LVV-LDK duhej të arrihej në ditëlindjen e presidentit Rugova

Deputeti i Lëvizjes Vetëvendosje, Haki Abazi ka komentuar situatën politike dhe takimet që po bëhen LVV-LDK, për arritjen e një marrëveshje për formimin e Qeverisë së Kosovës.

Abazi, përmes një postimi në Facebook, ka thënë se nuk do të ishte keq nëse marrëveshja LVV-LDK do të arrihej në ditëlindjen e ish-presidentit të Kosovës, Ibrahim Rugova, duke shtuar se as dita e nesërme nuk do të jetë keq, transmeton Telegrafi.

“Edhe në ditëlindjen e Presidentit historik Rugova nuk kish qene keq me pas marrëveshje por edhe nesër nuk është keq, me rëndësi është që ditë të mira po vijnë e mundësia për punë të mëdha është para nesh”, ka shkruar ai në llogarinë e tij.

Ndryshe, gjatë ditës së sotme kreu i LVV-së, Albin Kurti dhe kreu i LDK-së, Isa Mustafa kanë zhvilluar një takim, por që nuk rezultoi me arritjen e marrëveshjes për bashkëqeverisje.

Lexo po ashtu Përfundon takimi Kurti-Mustafa, as sot nuk ka marrëveshje

Pas takimit, Kurti dhe Mustafa kanë thënë para mediave se nuk kanë arritur ende marrëveshje dhe se do të vazhdojnë me takime./Telegrafi/