Si ndikon agjërimi tek shtatzënat? Si ndikohet fryti në barkun e nënës? A është i ndaluar agjërimi tek shtatzënat? Hulumtimet lidhur me agjërimin janë të limituara, por është e rëndësishme të jemi të vetëdijshëm se si do të përballojë periudhën e urisë nëna dhe bebja.
Dr. Göksu Göc
Obstetër- Gjinekolog
Spitali Amerikan
038 221 661 / 049 513 513
www.spitaliamerikan.com/facebook
Ndërkohë që njeriu normalisht mund të përballojë një kohë të gjatë pa ngrënë, shtatzënat janë në gjendje të përballojnë një kohë më të shkurtër, vetëm një të tretën të kësaj kohe urie. Në fakt edhe nga ana e fesë islame përgjegjësia për agjërim është lehtësuar për gratë shtatzënë, dhe ato të cilat kanë fëmijë në gji. Shtatzënat kanë nevojë për sasi më të mëdha të kalorive proteinave mineraleve dhe vitaminave si për vete ashtu edhe për frytin. Në organizmin e shtatzënave rritet nevoja e përdorimit të sheqerit, për ketë arsye vlerat e sheqerit në gjak bien dhe si rrjedhojë ndjenja e urisë është më e shpeshtë.
Për t’i mbajtur stabile vlerat e sheqerit gratë shtatzëna duhet të ushqehen me porcione të vogla dhe të shpeshta. Përderisa agjëroni atëherë është e pa mundur t’i përmbaheni këtyre rregullave. Gjatë kohës kur ju nuk ushqeheni mirë, vlerat e sheqerit bien, shkatërrohen qelizat yndyrore dhe kjo gjendje shkakton prodhimin e ketoneve në gjak. Duhet të kemi parasysh që rritja e ketoneve në gjak nëse depërton tek bebja mund të shkaktojë çrregullime neurologjike dhe psikologjike dhe këto efekte anësore mund të shfaqen pas disa vitesh.
Në anën tjetër nevojat e organizimit për ujë rriten. Për këtë arsye është e nevojshme të merren sasi më të mëdha të lëngjeve. Në rast se nuk merrni sasi të mjaftueshme të lëngjeve apo keni dehidrim (djersitje, barkqitje etj), atëherë mund të paraqiten probleme me veshkat e nënës, shtypjen e gjakut dhe mund të ndikohet edhe lëngu amniotik ku qëndron bebja. Për këtë arsye gratë, të cilat agjërojnë dhe nuk marrin kalori dhe lëngje të mjaftueshme ditore mund t’ju paraqiten simptomat si tension i ulët, mundim, lodhje, nervozë, tharje e gojës, kapsllëk, urinim i rrallë, temperaturë e lartë, marramendje etj. Gjithashtu në kohën e iftarit dhe syfyrit tendenca për të deponuar sasi të bollshme të kalorive mund të shkaktojë shtim në peshë dhe jo rahati.
Në rast se doni të agjëroni pa syfyr atëherë mund të paraqitën probleme të tjera si; për shkak të marrjes të pamjaftueshme të lëngjeve sasia e djersës do të jetë më e vogël dhe do të rriten materiet toksike të organizimit. Gjithashtu edhe lëvizjet e shpeshta dhe të shumta, veshja e rrobave më të mbyllëta në këtë nxehtësi apo puna e tepërt në ambiente të mbyllura dhe të nxehta mund të shfaqin probleme të tilla.
Hulumtimet lidhur me agjërimin tek gratë shtatzëna janë të limituara. Në përgjithësi është e rëndësishme që të gjitha institucionet shëndetësore duhet të jenë të vetëdijshme lidhur se si do të përballojë periudhën e urisë nëna dhe bebja. Gjatë agjërimit mund të merrni sasi më të vogla të vitaminave dhe disa materieve të rëndësishme për shtatzëninë. Duhet të keni kujdes që këto sasi duhet të zëvendësohen pas iftarit.
Në periudhën e parë të shtatzënisë për shkak të vjelljeve, mundimeve dhe lakmisë ndaj ushqimeve, efektet jo të dëshirueshme të agjërimit janë më të theksuara. Ndërsa në muajt e mëvonshëm është vërejtur zvogëlim i lëvizjeve të bebes dhe disa funksioneve të tjera (si zemra, frymëmarrja etj). Tek gratë shtatzënë hormoni i stresit është më aktiv gjatë agjërimit. Në periudhën e zhvillimit të shpejtë të fëmijëve nëse nënat agjërojnë është vërejtur që ata fëmijë lindin me peshë më të vogël, por duhet të kemi parasysh që kjo gjë nuk është e vetëtuar asnjëherë nga ana statistikore. Këto raste mund të vërehen diku 4% kurse tek nënat që agjërojnë vërehet 8% të fëmijëve që lindin më peshë më të vogël.
Në një hulumtim shkencor tregohet se në raste të agjërimit të nënës në tre mujorin e fundit mundësia që akti i lindjes të përfundojë me cezarian është më i lartë dhe sëmundja e sheqerit mund të shfaqet më shumë, gjithashtu pas lindjes, bebes mund t’i nevojitët kujdes më i shtuar neonatal etj, por në hulumtime të tjera nuk tregohen kundërindikacione të tilla.
Nënat shtatzënë, të cilat kanë probleme me sëmundje të tensionit, sheqerit, probleme të lukthit, mëlçisë, zorrëve nuk duhet të agjërojnë. Edhe në periudhën e mundimeve dhe vjelljeve nuk duhet të agjërojnë për arsye se toleranca e trupit dobësohet dhe kjo mund të shkaktojë lodhje.
Në vendin tonë jemi në dijeni që shumica e shtatzënave nuk janë të vetëdijshme për sëmundjet e tyre, të cilat i kanë kaluar apo edhe i mbartin, për këtë arsye nëse agjërojnë kjo mund të e keqësojë gjendjen si të nënës ashtu edhe të bebes. Së pari duhet të vlerësohet shëndeti në përgjithësi i nënës, dhe sipas saj të jepet një vendim i shëndetshëm lidhur më agjërimin e saj në muajin e ramazanit. Ato nëna, të cilat e kanë besimin e tyre në fe dhe patjetër do agjërojnë, së pari duhet të konsultohen me doktorin e tyre, personelin shëndetësorë dhe nutricistin për t’ia përpiluar një ushqim të posaçëm për gjendjen e tyre shëndetësore.
Në rast të ndonjë sëmundje serioze nuk duhet agjëruar. Gjatë ditës dhe motit të nxehtë duhet të pushojnë sa më shumë dhe ta eliminojnë nxjerrjen e lëngjeve nëpërmjet djersës. Nuk duhet të bëjnë ushtrime fizike të rënda apo ecje në kohë të nxehtë. Në iftar duhet të hanë ushqim të lehtë, të marrin sa më shumë lëngje, të qëndrojnë larg ushqimit që tretet vështirë, pas iftarit të ushqehen se paku dy herë me porcione të vogla dhe mos ta neglizhojnë ushqimin në syfyr.
Në periudhën e lehonisë dhe gjidhënies është e rëndësishme të merret ushqim dhe lëngje të mjaftueshme. Të gjitha kundërindikacionet që u përmenden për agjërimin e nënave shtatzënë, vlejnë edhe për nënat në periudhën e gjidhënies. Nëse agjëroni atëherë duhet të kompensohet sasia e lëngjeve dhe vitaminave. Në raste të kundërta do të ballafaqoheni më probleme ku mund të dobësohet kualiteti i qumështit, të keni sasi jo të mjaftueshme dhe mund të ju ndërpritet për një kohë të shkurtër. /Telegrafi/
Promo
Reklamo këtuLufta Prigozhin - Putin
Më shumë![Investoni në të ardhmen tuaj – bli banesë në ‘Arbëri’ tani! ID-140](https://telegrafi.com/wp-content/uploads/2024/02/Screenshot-2024-02-20-142648-380x233.png)
Investoni në të ardhmen tuaj – bli banesë në ‘Arbëri’ tani! ID-140
![Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254](https://telegrafi.com/wp-content/uploads/2024/02/1a-1-380x233.jpg)
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
![Ideale për zyre – në qendër të Prishtinës lëshohet banesa me qira ID-253](https://telegrafi.com/wp-content/uploads/2024/02/DSC00994-380x233.jpg)
Ideale për zyre – në qendër të Prishtinës lëshohet banesa me qira ID-253
![Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123](https://telegrafi.com/wp-content/uploads/2023/07/foto-kryesore-per-tlgre-380x233.jpg)
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
![Krijo hapësirën tënde të biznesit – zyre me qira te 4 Llulat – 300€/muaj ID-252](https://telegrafi.com/wp-content/uploads/2024/02/Template-per-Instagram-380x233.jpg)
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
![Santiana Maloku dhe Lirimi i japin fund lidhjes së tyre?](https://telegrafi.com/wp-content/uploads/2024/09/santi-780x439.jpg)
Santiana Maloku dhe Lirimi i japin fund lidhjes së tyre?
![Persona të maskuar shihen në pjesën serbe të pikëkalimit kufitar në Bërnjak](https://telegrafi.com/wp-content/uploads/2024/09/Screenshot_6-8-780x439.jpg)
Persona të maskuar shihen në pjesën serbe të pikëkalimit kufitar në Bërnjak
![Mbyllet edhe pika kufitare në Merdar, Sveçla: Ekstremistët e maskuar brenda Serbisë po kryejnë veprime fashiste](https://telegrafi.com/wp-content/uploads/2024/01/Xhelal-Svecla-konference-foto-Ridvan-Slivova-2-e1715268559295-780x439.jpg)
Mbyllet edhe pika kufitare në Merdar, Sveçla: Ekstremistët e maskuar brenda Serbisë po kryejnë veprime fashiste
![Trajneri i Rumanisë tregohet një profesionist i vërtetë kur flet për lojën e Kosovës](https://telegrafi.com/wp-content/uploads/2024/09/lucescu-780x439.png)
Trajneri i Rumanisë tregohet një profesionist i vërtetë kur flet për lojën e Kosovës
![Sveçla: Mbyllet vendkalimi kufitar në Bërnjak, serbët maltretuan një familje shqiptare që po udhëtonte për në Gjermani](https://telegrafi.com/wp-content/uploads/2024/09/96121725651982-780x439.jpg)
Sveçla: Mbyllet vendkalimi kufitar në Bërnjak, serbët maltretuan një familje shqiptare që po udhëtonte për në Gjermani
![Gërvalla kërkon reagim nga bashkësia ndërkombëtare: Ndaleni Vuçiqin përpara se ai të shkaktojë luftë](https://telegrafi.com/wp-content/uploads/2023/07/Donika-Gervalla-Schwarz-konference-foto-Ridvan-Slivova-4-780x439.jpg)
Gërvalla kërkon reagim nga bashkësia ndërkombëtare: Ndaleni Vuçiqin përpara se ai të shkaktojë luftë