Yll Limani reragon për rastin e përdhunimit të 15-vjeçares: Ti që thua “e ka lyp vet”, ti je më tmerr se dhunuesi

Figura të shumta publike kanë reaguar në lidhje me rastin e paprecedentë të përdhunimit të 15-vjeçares në Tiranë, e cila është ndër temat më të diskutuara në Shqipëri këto ditë.

Në kryeqytetin shqiptar të enjten u organizuan protesta, për të dalë në mbrojtje të të gjitha atyre vajzave që bien pre e dhunimit.

Figurat publike nuk kanë munguar në këtë protestë paqësore, teksa shumë prej tyre janë parë edhe me banderola.

Lexo po ashtu Të famshmit shqiptarë marshojnë në Tiranë nën moton “Për fëmijërinë e vjedhur”

Ndërkohë, këngëtari i njohur kosovar, Yll Limani, ka vendosur që të reagojë përmes një fotografie të publikuar në llogarinë e tij zyrtare në Instagram, ku shfaqet një person gjatë protestës që mbante në duar banderolën me titull “Mbro vajzën, eduko djalin”.

Në mbishkrimin e kësaj fotografia, këngëtari ka bërë të ditur se personat që mbrojnë veprime të tilla, janë më tmerr se sa ata që i kanë kryer vet.

https://www.instagram.com/p/CBDiVcfA5dI/

“Ti që thu “e ka lyp vet”, ti je ma tmerr se dhunuesi. Ti që menon që ngacmimi, prekja e padëshirume, presioni ose kërcënimi për me kry marëdhënie s’jon abuzim seksual, lista o hala ma e gjatë… Leni qikat rahat, edukoni djemt”, ka shkruar Yll Limani në Instagram.

Ndërkohë, Eneda Tarifa, Soni Malaj, Jonida Maliqi, Rovena Dilo, Manjola Nallbani e Eranda Libohova janë vetëm disa nga këngëtaret e njohura që kanë qenë të pranishme në protestën e 4 qershorit. /Telegrafi/

https://www.instagram.com/p/CBBUZvSnkps/