Ukraina sulmon me dronë fabrikën e armëve kimike në Tula të Rusisë, publikohen pamjet

Ukraina ka nisur një sulm me dron në një fabrikë të armëve kimike ruse në qytetin perëndimor të Tulës, sipas shërbimit të sigurisë së vendit.

Sipas SBU, uzina kimike Aleksinsky u godit nga të paktën 13 dronë ukrainas, duke rezultuar në shpërthime dhe re tymi pas sulmit.

Një burim konfirmoi gjithashtu dëmtimin e termocentralit Aleksinskaya, duke thënë se është dëmtuar një linjë e transmetimit të energjisë 110 kV, shkruan CNN, përcjell Telegrafi.

Pamjet e publikuara në rrjete sociale tregojnë sulmin në fabrikën e cila shtrihet rreth 200 kilometra në jug të Moskës, të nisur nga Shërbimi i Sigurisë SBU i Ukrainës dhe Forcat e Operacioneve Speciale.

🇺🇦🇷🇺 A Ukrainian UAV managed to strike the chemical plant in Aleksin in the Tula region of Russia. The plant produced goods for the military.

📍 54.5070357, 37.1161396 (via DniproOfficial (TG)) https://t.co/T5EdNFR2T2 pic.twitter.com/zeZ4BIVyCz

— Conflict Dispatch (@ConflictDISP) November 9, 2024

Fabrika prodhon armë dhe municione për ushtrinë ruse, sipas SBU.

Bëhet e ditur se sulmi ndezi alarmet e sulmit ajror në rajone të ndryshme të Rusisë.

After an attack by Ukrainian drones, work at a chemical plant in the Tula region was disrupted and personnel evacuated, independent Russian media reported. A chemical fire broke out at the site.

Source: Astra/Sirena pic.twitter.com/9M4FPDWEdR

— Belsat in English (@Belsat_Eng) November 9, 2024

Ndryshe, shërbimi i sigurisë po kryen një “operacion gjithëpërfshirës” kundër objekteve në territorin rus që janë të përfshirë në luftën në Ukrainë.

“Shkatërrimi i depove të armëve, aeroporteve ushtarake dhe ndërmarrjeve që janë pjesë e industrisë ushtarake ruse redukton aftësinë e Rusisë për të terrorizuar vendin tonë”, tha burimi. /Telegrafi/