Tableta për larjen e enëve në tualet? Ekspertët shpjegojnë se për çfarë mund ta përdorni

Kur është koha për të trajtuar banjën ose për pastrimin, filloni duke hedhur një tabletë pjatalarëse në guacën e tualetit

Tabletat e enëlarëses janë krijuar për të trajtuar ujin e fortë, njollat dhe yndyrat e ushqimit, kështu që nuk është çudi që shumë njerëz i përdorin ato edhe për të pastruar lavamanin dhe guacën e WC-së.

Por a e dini se çfarë mund të pastrohet me vetëm një tabletë?

Furra

Heqja e mbetjeve të ushqimit nga furra është gjithmonë e vështirë, veçanërisht kur bëhet fjalë për shtresat e djegura. Përdorni një tabletë pjatalarëse të njomur në ujë të ngrohtë për të pastruar me lehtësi xhamin dhe derën e furrës dhe për të rivendosur shkëlqimin e tyre të vjetër, sipas The Kitchn, përcjell Telegrafi.

Tenxheret dhe tiganët

Në të njëjtën mënyrë që funksionon në dyert e furrës, tabletat e enëlarëses pastrojnë në mënyrë efektive tiganët dhe tenxheret në të cilat është djegur ushqimi.

Njollat e kafesë dhe çajit

Këto njolla nuk hiqen lehtë dhe mund të duken sikur do të zgjasin përgjithmonë, por gjithçka që ju nevojitet është ujë i ngrohtë (mbushni enën 3/4 plot) dhe hidhni në ujë një tabletë pjatalarëse. Pas një ore, thjesht duhet të jeni në gjendje të shpëlani çdo njollë me ujë të nxehtë. Këtë truk mund ta provoni edhe në vazo lulesh, bokall dhe shishe!

Lavamani

Është e mahnitshme se sa shpejt mund të ndotet fundi i një lavaman. Gërvishtjet nga tenxheret dhe tiganët, si dhe njollat nga lëngjet e errëta, mund të bëjnë që edhe lavamani më i pastër të duket i lënë pas dore. Thjesht derdhni pak ujë të ngrohtë në lavaman dhe fshijeni atë me një tabletë pjatalarëse. Pas disa minutash, shpëlajeni me ujë të ngrohtë.

Tualeti

Kur të jetë koha për të pastruar banjën, filloni duke hedhur një tabletë pjatalarëse në tasin e tualetit. Ndërsa është duke u shkrirë, ju mund të pastroni lavamanin, dyshemenë dhe dushin, duke e lënë tualetin për të fundit. Në këtë mënyrë, tableta do të ketë kohë për të vepruar, ndërsa pastrimi i tualetit do të jetë shumë më i lehtë. Ju gjithashtu mund të përdorni tableta për të hequr njollat e mbetura nga uji i fortë.

Koshi i plehrave

Koshat e plehrave mund të jenë shumë të pistë, por nuk duhet të jenë. Fshirja e rregullt e mbetjeve të ushqimit ndihmon në ruajtjen e higjienës, por është mirë që t’i pastroni ato tërësisht të paktën dy herë në vit. Mënyra më e lehtë për ta bërë këtë? Mbushni kovën sa më shumë të jetë e mundur me ujë të ngrohtë dhe shtoni një tabletë pjatalarëse. Prisni që të shpërndahet, më pas lëreni për një orë tjetër përpara se ta shpëlani me ujë të nxehtë.  /Telegrafi/