Cristiano Ronaldo është rikthyer edhe një herë në tokën evropiane, ku është bashkuar me Portugalinë në moshën 37-vjeçare. Disa kishin menduar se ai mund të tërhiqej pas Kupës së Botës në Katar, por mesa duket ai ka ende dëshirën për të vazhduar të luajë për kombëtaren. Ai gjithashtu ka nivelin konkurrues.
Sulmuesi portugez ka pohuar se ai refuzoi ofertat evropiane për t’u bashkuar me Al Nassr në Arabinë Saudite, por nuk ka dyshim se shumë menduan se ishte një largim për Ronaldon nga Manchester United.
Megjithatë, superylli portugez i ka thënë shtypit portugez se niveli i futbollit në Arabinë Saudite është i lartë.
“Jam befasuar këndshëm. Lojtarët e huaj kanë cilësi të ndryshme. Pesë, gjashtë apo shtatë vjet nga tani do të jetë liga e katërt ose e pestë më konkurruese në botë nëse ata vazhdojnë me të njëjtin plan. Unë jam duke luajtur, kam minuta”, ka thënë fillimisht Ronaldo.
Ai pranoi se kishte qenë një fund i vështirë i vitit, pasi Portugalia u mposht nga Maroku në Kupën e Botës, ndërsa ai vetë u largua nga Unitedi.
“Ndihem shumë mirë. Kjo është shtëpia ime. Kemi pasur kohë të mendojmë. Kam kaluar vështirësi dhe nuk doja të hidhja poshtë. E pashë Cristianon në situata që nuk i kisha parë më parë”.
“Jam i lumtur sepse trajneri mbështetet tek unë. Ai pati një bisedë me të gjithë lojtarët dhe gjithashtu me mua. Unë kam ende dëshirën për ta çuar Portugalinë në krye. Sa herë që trajneri dëshiron të llogarisë tek unë, unë do të jem i disponueshëm”, përfundo sulmuesi.
Portugalia ka një trajner të ri në krye, Roberto Martinezin, për të cilin Ronaldo foli shumë mirë. Pyetja e madhe për spanjollin do të jetë nëse ai do të vazhdojë me Ronaldon në 11-shen e tij fillestare, apo do ta lërë atë në bankë në vend të Goncalo Ramos. /Telegrafi/