Real Madridi e mbajti gjallë shpresën e tyre për të ruajtur titullin e kampionit evropian duke fituar dy ndeshjet e fundit para pushimit ndërkombëtar të marsit.
Los Blancos duhej të luftonin për të mposhtur Atletico Madridin në raundin e 16-të të Ligës së Kampionëve, përpara se të triumfonin edhe ndaj Villarrealit në La Liga.
Carlo Ancelotti është i bekuar që ka një numër lojtarësh mbresëlënës në ekipin e tij, ku përfshihen disa nga futbollistët më të shtrenjtë në botë.
Në raportin e fundit të vlerësimit nga Football Benchmark Intelligence, Kylian Mbappe është cilësuar si lojtari më i vlefshëm në botë.
Ai aktualisht vlerësohet në 229.3 milionë euro, edhe pse vlerësimi i tij ka rënë paksa që nga shtatori (2024). Vini Jr është në vendin e tretë në mesin e futbollistëve më të vlefshëm, me një vlerë prej 186.2 milionë.
Jude Bellingham vlerësohet me 183.9 milionë euro për heroizmat e tij këtë sezon, duke plotësuar një treshe lojtarësh të Real Madridit në mesin e pesë futbollistëve më të vlefshëm në botë.
Fede Valverde gjithashtu paraqitet në top-10, pasi është ngjitur në vendin e 10-të me një vlerë prej 123.8 milionë euro. /Telegrafi/
