Cristiano Ronaldo është eliminuar nga Liga e Kampionëve në 1/8 e finales për të tretin vit radhazi, ndërsa në seritë e Amazon, All Or Nothing: Juventus, është publikuar ajo që kishte ndodhur në edicionin e kaluar kur Porto e eliminoi Zonjën e Vjetër.
Superylli portugez është golashënuesi më i mirë në histori të garës më të madhe për klube, të cilën e ka fituar pesë herë gjatë karrierës – një herë me Manchester Unitedin dhe katër herë me Real Madridin.
Ai nuk ishte në gjendje t’ia sillte trofeun Juventusit në tri vitet e kaluara në Allianz Stadium, pasi Bianconerët në sezonin e tij të parë u eliminuan në çerekfinale, derisa në dy edicionet pasuese në të tetën e finales.
Se çfarë ndodh brenda zhveshtores pas rezultateve zhgënjyese, mbetet sekret, mirëpo seritë e Amazon, All or Nothing: Juventus, kanë treguar se çfarë kishte ndodhur në zhveshtoren e bardhezinjve para një viti kur CR7 dhe bashkëlojtarët e atëhershëm u eliminuan nga Liga e Kampionëve.
Ronaldo pati një përplasje me Juan Cuadradon gjatë pushimit pas pjesës së parë. Ai ishte ankuar për mënyrën e lojës së skuadrës, derisa kolumbiani i kishte thënë se edhe Cristiano duhej ta pranonte fajin e tij për lojën e dobët gjatë asaj ndeshjeje.
#AllOrNothing: ecco cos’è successo nello spogliatoio della #Juventus a fine primo tempo contro il Porto (partita costata l’eliminazione dalla #ChampionsLeague); il momento esatto in cui #Ronaldo ha deciso di chiudere con la Juve#allornothingjuventus pic.twitter.com/YBSQeMvBWX
— Gianmarco Padovan (@gian10_) November 25, 2021
“Nuk po luajmë hiç, po luajmë katastrofë, po luajmë tmerrshëm gjatë gjithë kohës”, kishte përsëritur Ronaldo në mënyrë ofenduese.
Në atë çast, Cuadrado dukej i irrituar dhe i tha: “Qetësohu… Ti duhet të jesh një shembull për të gjithë”.
“Edhe unë jam i përfshirë. Duhet t’ia themi njëri-tjetrit të vërtetën. Luajtëm tmerrshëm. Kjo është një ndeshje e Ligës së Kampionëve, duhet të kemi karakter”, ka vazhduar CR7.
Në atë çast ka ndërhyrë trajneri i atëhershëm, Andrea Pirlo: “Mjaft, hajdeni! Mjaft, Cri! Mjaft, Juan! Duhet të jemi të qetë dhe të kemi durim. Të vazhdojmë me shpirt…“.
Akoma më shumë dramë kishte pasur pas fishkëllimës së fundit të gjyqtarit. Juve fitoi me rezultat 3-2 pas vazhdimeve, por u eliminua pas humbjes prej 1-0 në ndeshjen e parë në Portugali.
Ronaldo ishte kthyer në zhveshtore dhe kishte shpërthyer në lot duke e mbajtur kokën me duar. /Telegrafi/
