Real Madridi ka shijuar fitoren e parë në garën para sezonale të International Champions Cup.
Madrilenët triumfuan në saje të penaltive kundër Arsenalit, ku rezultati pas 90 minutave ishte i barabartë 2-2 gjersa në ekzekutimin e 11-metërshave më të saktë u treguan Los Blanmcos duke fituar 3-2.
Në fakt, Zinedine Zidane si dhe Unai Emery në plan të dytë e kishin rezultatin e ndeshjes, pasi që bën shumë ndërrime për të provuar se sa janë të përgatitur lojtarët gjatë kësaj periudhe të verës.
Pjesa e parë i takoi skuadrës londineze, e cila përmbylli 45 minutshin e parë me dy gola në epërsi.
2⃣ | 0-2 | We're back underway at FedExField. VAMOS!
📱 https://t.co/aUcxSFOXTP
🖥 https://t.co/zoyVNov4kH#RealMadridIsHere | #RMTour pic.twitter.com/PDDhSYuGkq— Real Madrid C.F. 🇬🇧🇺🇸 (@realmadriden) July 24, 2019
Fillimisht gol realizoi Alexandre Lacazette nga pika e bardhë në të dhjetën minutë dhe pas 15 minutave Gunners arritën të shënonin edhe golin e dytë përmes Pierre-Emerick Aubameyang.
Theksojmë se në këtë pjesë u treguan edhe dy kartona të kuq, ku Nacho i Realit (‘5) si dhe Sokratis (’40) u përjashtuan nga ndeshja pasi morën dy kartonë të verdhë.
Pjesa e dytë i takoi komplet skuadrës spanjolle, e cila arriti të barazoi rezultatin përmes dy golave të shpejtë.
Gareth Bale e zbuti epërsinë e klubit anglez në të 56-tën minutë dhe tre minuta më vonë gjithçka barazoi Marco Asensio, i cili më vonë u lëndua rëndë dhe doli nga fusha me ndihmën e barelës.
🏁 FT: @RealMadrid 2-2 @Arsenal (3-2 pens)
⚽ @GarethBale11 56', @marcoasensio10 59'; Lacazette 10' (p), Aubameyang 24'#Emirates | #RealMadridIsHere pic.twitter.com/Gu0KP4YqoV— Real Madrid C.F. 🇬🇧🇺🇸 (@realmadriden) July 24, 2019
Megjithëse te dyja skuadrat e kërkuan rrugën e golit deri në fund të takimit, asnjëra nuk arriti ta tund më rrjetën e kundërshtarit dhe kështu takimi në kohën e rregullt përfundoi 2-2.
E më mirë në ekzekutimin e 11 metërshave ishin Los Blancos, ku në fund triumfuan me rezultat 3-2.
Ndryshe, Realin takimin e radhës e ka me Atletico Madridin (e shtunë) gjersa Arsenali do të luajë kundër Lyonit (e diele). /Telegrafi/
