Osmani reagon për pasivizimin e adresave në Luginën e Preshevës: Komuniteti ndërkombëtar duhet të bëjë më shumë

Presidentja Vjosa Osmani, ka reaguar lidhur me pasivizimin e adresave të shqiptarëve në Luginën e Preshevës.

Në një shkrim në Twitter, duke cituar Komunitetin eHelsinkit ka thënë se ‘pasivizimi’ i shqiptarëve në Serbi është “një formë e spastrimit etnik përmes mjeteve administrative”.

Tutje tha se të gjithë qytetarët duhet të gëzojnë të drejtat themelore të njeriut.

Lexo po ashtu Komiteti i Helsinkit e quan një spastrim etnik pasivizimin e adresave të shqiptarëve të Luginës së Preshevës

“Përgjigja e komunitetit ndërkombëtar deri më tani ka qenë e pamjaftueshme. Duhet bërë më shumë”, tha Osmani.

Më tej presidentja thekoi se ka ngritur këtë çështje në disa raste, si këtu në Kosovë, ashtu edhe jashtë saj.

“Këta qytetarë kanë mbështetjen e plotë të institucioneve të Republikës së Kosovës. Ne do të bëjmë gjithçka që kemi në dorë për t’u siguruar që zëri i tyre të dëgjohet”, shkroi Osmani./Telegrafi.

The Helsinki Comm. has said the ‘passivation’ of Albanians in Serbia is “a form of ethnic cleansing through administrative means”.

All citizens must have their basic human rights respected. The int. community’s response thus far has been insufficient. More must be done! 1/2

— Vjosa Osmani (@VjosaOsmaniPRKS) July 15, 2021